Defende Meirás anima a inundar a Xunta con cartas contra o novo espolio dos Franco
• Colectivos memorialistas do país comenzan a enviar ao conselleiro de Cultura peticións para que blinde os bens mobeis do Pazo a través do DOG.
• Ligazón o documento modelo para a presentación de peticións: https://defendemeiras.blogspot.com/p/protexamos-o-que-e-noso.html
A Iniciativa Defende Meirás solicitou formalmente á
Consellería de Cultura que, aos efectos "de preservar e salvagardar a integridade do BIC Torres de Meirás", incorpore ao anexo da declaración de Ben de Interese Cultural todos os bens móbeis asociados á categoría de sitio histórico, tanto do interior das edificacións coma dos exteriores das Torres, publicando de inmediato o catálogo deses bens.
Consellería de Cultura que, aos efectos "de preservar e salvagardar a integridade do BIC Torres de Meirás", incorpore ao anexo da declaración de Ben de Interese Cultural todos os bens móbeis asociados á categoría de sitio histórico, tanto do interior das edificacións coma dos exteriores das Torres, publicando de inmediato o catálogo deses bens.
No escrito que está a distribuír a Iniciativa Defende Meirás a través das redes sociais, reclámase
que se dean todos os pasos necesarios para impedir que os herdeiros do ditador poidan retirar eses
bens e infórmase que "a mera incoación dese expediente outorgaría a todos os bens a protección á
que fai referencia o art. 17.4 da Lei de Patrimonio cultural de Galiza".
Defende Meirás convida e anima a todas as entidades memoria do país e persoas a título individual
a que presenten ese escrito, mediante o rexistro electrónico ou a través do correo:
conselleiro.cultura.educacion@xunta.gal
O modelo para as peticións pode descargarse na seguinte ligazón:
https://defendemeiras.blogspot.com/p/protexamos-o-que-e-noso.html
Carlos Babío, como un dos portavoces da Iniciativa Defende Meirás e en nome da IGM, xe
presentou este venres o primeiro dos escritos. Tamén o están a facer asociacións memorialísticas
de todo o país, como a CRMH da Coruña, que ademais enviou comunicacións aos seus socios
lembrando que "nas últimas semanas comparecemos atónitos á capacidade da familia Franco para
botar pulsos á democracia. Nesta ocasión ao redor da propiedade dos bens mobles do Pazo de
Meirás", e pedindo que se sumen a acción colectiva.
Comentarios
Publicar un comentario